സിന്ദൂരാരുണവിഗ്രഹാം

സിന്ദൂരാരുണവിഗ്രഹാം ത്രിണയനാം മാണിക്യമൗലിസ്ഫുരത് 
താരാനായകശേഖരാം സ്മിതമുഖീമാപീനവക്ഷോരുഹാം
പാണിഭ്യാമളിപൂർണ്ണരത്നചഷകാം  രക്തോത്പലം വിഭ്രതീം
സൗമ്യാം രത്നഘടസ്‌ഥരക്തചരണാം ധ്യായേത്പരാമംബികാം 

ധ്യായേത്പരാമംബികാം  = ഞാൻ പരാശക്തിയായ ദേവിയെ ധ്യാനിക്കുന്നു.

എപ്രകാരം  ഇരിക്കുന്ന  ദേവി  (ദേവിയുടെ വിശേഷണങ്ങൾ) ആണ് ആദ്യം മുതൽ:

  1. സിന്ദൂരാരുണവിഗ്രഹാം:
    സിന്ദൂരത്തിന്റെ ചുവപ്പ് (അരുണ) വർണ്ണത്തിലുള്ള ശരീര (വിഗ്രഹം) ത്തോട് കൂടിയ,
  2. ത്രി നയനാം:
    മൂന്നു കണ്ണുകളുള്ള
  3. മാണിക്യമൗലിസ്ഫുരത് താരാനായകശേഖരാം:
    മാണിക്യം പതിപ്പിച്ച കിരീട (മൗലി) ത്തിൽ,  പ്രശോഭിക്കുന്ന ചന്ദ്രക്കല+ യോട് കൂടിയ,
  4. സ്മിതമുഖീം:
    മന്ദസ്മിതം നിറഞ്ഞ മുഖത്തോടെ ഇരിക്കുന്ന,
  5. ആപീനവക്ഷോരുഹാം:
    നിറഞ്ഞ മാറിടത്തോട് കൂടിയ,
  6. പാണിഭ്യാമളിപൂർണ്ണരത്നചഷകാം:
    വണ്ടുകൾ (അളി) ചുറ്റിപറക്കുന്ന കൈകളിൽ (പാണിഭ്യാം), നിറഞ്ഞ (പൂർണ) രത്നചഷകം (സ്വർണത്തിന്റെ വീഞ്ഞ് പാത്രം) പിടിച്ചിട്ടുള്ള,
  7. രക്തോത്പലം വിഭ്രതീം:
    രക്തനിറത്തിലുള്ള താമര (ഉത്പലം) ചുഴറ്റിക്കൊണ്ടിരിക്കുന്ന,
  8. സൗമ്യാം:
    സൗമ്യ ഭാവത്തിൽ ഇരിക്കുന്ന, 
  9. രത്നഘടസ്‌ഥരക്തചരണാം:
    രക്ത വർണ്ണത്തിലുള്ള ചരണങ്ങൾ സ്വർണ്ണക്കുടത്തിന്മേൽ വെച്ചിട്ടുള്ള,

    പരാശക്തിയായ  അംബികയെ ഞാൻ ധ്യാനിക്കുന്നു

+ താരാനായകശേഖരാം: താരാ നായകൻ = നക്ഷത്രങ്ങളുടെ നായകൻ, ചന്ദ്രൻ.
ചന്ദ്രന്റെ ശിഖരം = ചന്ദ്രക്കല